Jörfagleði 2007

Leiðarlýsing:
Gleðin verður haldin í Hlíð í Hrunamannahreppi.
Þægilegasta leiðin er í gegnum Flúðir sem leið liggur norður í átt að Gullfossi. Þetta er tæplega 20 km akstur frá Flúðum. Ekið er inn á afleggjarann að Tungufelli og Jaðri skömmu áður en komið er að Brúarhlöðum í Hvítá. Ekið yfir brúnna yfir Fossá og beygt þá strax til hægri. Þar blasir ægifögur Hlíðin við. Hliðið er merkt Hlíð. Munið að loka hliðinu á eftir ykkur. Bendi á að þetta er rafmagnsgirðing - varið börnin ykkar við því. Keyrið sem leið liggur eins langt og þið komist á bílum og þá eruð þið á réttum stað.
Fyrir þaulvana er auðvitað hægt að keyra aðrar leiðir - gegnum Geysi eða Aratungu. Þið finnið út úr því.

Aðstaða:
Þetta er sumarbústaðarland. Við erum með 2 hús. Gistiaðstaða fyrir 7 í öðru húsinu og 2 hjónarúm og barnarúm í hinu húsinu. Klósett í báðum húsum - aðgengi í klósett frá tjaldstæðum. Fín tjaldstæði. Það er ekki rafmagn á staðnum. Við erum með vindmyllu og sólarpanela fyrir ljós og minni raftæki. Eldað á gasi og grillum. Gashitun á vatni í stærra húsinu.

Á svæðinu eru rólur, lítill sandkassi, fötur og skóflur og eitthvað fleira af krakkadóti. Um að gera að grípa með bolta, flugdreka eða eitthvað annað skemmtilegt dót. Þarna eru smálækir sem hægt er að sulla í svo ekki gleyma stígvélum og aukafötum.

ATH rafmagnsgirðing sem börnin þurfa að passa sig á.